- يعنى ايه فاقوس اللى بتتقال مع الخيار ؟ تقريبا كوسة
- ليه معتبرين ان الطماطم خضار مع انها مش كده ؟ غباء
- ليه البنت المحجبة لما تتكلم ف الموبايل .. بتحطه ف الطرحة ؟ ممكن كسل .. بس منظرها بيبقى عبيط اوى
- ليه اى واحد يشوف واحدة مش محجبة بيقول عليها مش محترمة ؟ مش عارف !!
- ليه بيكون فى بنات محجبات مطلعين شعرهم من الطرحة ؟ عشان تعرفنا انه ناعم او لسه عاملة صبغة جديدة
- ليه بقى معظم البنات فاكرين ان الواحدة عشان يبان انها بنت ناس لازم تكون مش محجبة ؟ تفاهة ..
- ليه معظم خريجين المدارس ال American وال IGCSE بيبقى دمهم تقيل وعيال باردة ؟ لا دى خلقة ربنا .. تقريبا جينات
- ليه المصريين بيحبو الفساد والرشوة وعدم النظام ؟ عشان مصريين
- ليه مفيش نسبة عالية من الرجالة على وفاق مع حماته ؟ عشان الحما لكلاكة وبتخبط ف الحلل .
- ليه مفيش اى بنت ف الدنيا بيكون عاجبها اسمها ؟ فضا
- ليه مفيش اى ولد ممكن يحب بنت نص جميلة ؟ ليه لازم تكون صاروخ يعنى .. لو كان لابن ادم جبل من ذهب .. لاراد غيره
- ليه مفيش اب ف الدنيا عاوز ابنه ميدخلش طب ؟ عشان فاكرين انها كلية الاحلام وهى كلية بى بى اساسا
- ليه معظم اللى ف طب مكانوش عاوزين يدخلوها اساسا ؟ احلام مراهقة مكانش ينفع تتحقق عشان البلد الوسخة اللى كنا عايشين فيها
- ليه البنت تضايق اوى لو خد باله منها مع انها بتكون عمالة تجرى قدامه؟؟ . يعنى هبص اكيد مفيش معانا كانجرو ف الكلية وانا واخد على وجوده !!! بس هى لازم تضايق عشان صحابها ميقولوش عليها صايعة
- ليه مينفعش واحدة تروح تقول لواحد بحبك ؟؟ مش عارف لسه بدورلها على اجابة
- ليه الاخوان المسلمين كدابين ؟ مع انهم بيقولو انهم مسلمين ؟؟ الله اعلم !!!
- ليه تفكيرنا الداخلى بيبقى كله اباحة وشتيمة والفاظ زبالة ؟؟ مش قولت قبل كده انها نمط مجتمعى ؟؟ :D
- ليه الجنس بيشغل الحيز الفظيع ده من التفكير المصرى عامة ؟؟ كبت بعيد عنك
..... لما الاقى حاجات تانية ... هبقى اسألها
..... لما الاقى حاجات تانية ... هبقى اسألها
ليست هناك تعليقات:
إرسال تعليق