إيه رأيكم لو استعرضنا كام حاجة تحسسكم بإنكم بقيتوا مسنين مش هتاخد من وقتك 5 دقائق بس الزمن دة كفاية إنه يكبرك سنين ولو من جواك
-فيلم الإرهاب والكباب وفيلم مستر كاراتيه اتعرضوا قبل ما جاستن بيبر يتولد
-مواليد 93 دلوقتي عندهم 18 سنة ويقدروا يطلعوا رخص قيادة ويسوقوا عربيات قانوني
-ماكولاي كالوكين بتاع " Home Alone " بقا عنده 30 سنة دلوقتي !
-تايتانك نزل من 14 سنة .
-عمرو دياب غنى " بالحب إتجمعنا " في ستاد القاهرة من 20 سنة .
-شركة مايكروسوفت نزلت ويندوز XP من 10 سنين
--مسلسل عائلة الحاج متولي كان من 10 سنين ، الضوء الشارد من 13 سنة ، هوانم جاردن سيتي من 14 وليالي الحلمية من 24 سنة !
- مسلسل The Bold & The Beautiful بدأ عرضه مع ليالي الحلمية وشغال لغاية دلوقتي بالمناسبة وريدج لسة عايش وبيحور برضه .
-أخر مرة بيرس بروسنان عمل جيمس بوند كان من 9 سنين .
-العيال مواليد 98 و99 اللي كنت بتشوفهم في اللفة بيحطوا صورهم عالفيسبوك دلوقتي
-سعاد حسني ماتت من 10 سنين
-حادثة الشهيد محمد الدرة الشهيرة عدى عليها 11 سنة
-مشروع القراءة للجميع بدأ من 20 سنة بالظبط .
-ألبوم تملي معاك وبلوفر عمرو دياب اللي مصر كلها لبسته وقتها كان من 11 سنة
-أخر مرة الزمالك خد فيها الدوري كان من 7 سنين !
-أول مرة شريهان عملت الفوازير كان من 26 سنة .. وفوازير حاجات ومحتاجات أخر فوازير ليها كان من 18 سنة .
-محاولة إغتيال مبارك اللي فشلت للأسف في أديس أبابا كانت من 16 سنة .
-الشعراوي مات من 13 سنة
بيتهألي اللي وصل للسطر دة جاله إحساس كفاية إنه عجز رغم إنه يمكن ميكونش عدى التلاتين .
ليست هناك تعليقات:
إرسال تعليق