الفكسنة ...

الفكسنة ملهاش معنى ثابت وبتختلف فى معاييرها من واحد للتانى بس ف المجمل الحاجة الفكسانة هو الحاجة التاافه او الحاجة اللى بتضايقنى ... والناس الفكسانة عندنا كتير اوى 

-الناس الفكسانة هى اى واحد بيسمع ترانس وهاوس ومالى الهارد ديسك بتاعه منها
-الناس الفكسانة هى اى واحد بيشجع برشلونة من بعد 2006 
-الناس الفكسانة هى اللى بتبقى طول النهار ماسكة جيتار وهو مالوش فيه اساسا 
-الولد والبنت الفكسانين اللى متصاحبين بقالهم سنتين ومش معرفين حد وبيكلمو بعض فى الموبايل وهما قدام بعض وبيفكسو عليا لما خنقونى

-اى بنت معاها عربية ومبتعرفش تركن ومبتخليش السايس يركنلها

-اى بنت بتقول مبذاكرش

-قسم الهستولوجى كله

-اى واحدة بتبدأ كلامها ب " مش " زى مش روحت . مش اكلت ... مش نمت. .كده يعنى

-اى دكتور بيقول " مش عاوز سايد توكس "

-اى بنت كل ما تقول حاجة تقول ماركتها .. يعنى مثلا تقولك .. دى شنطتى الجوتشى .. دى البلوزة المانجو .. دى الماسكرا الاشانيل

-واحدة بتقلد الخلايجة ف الطرحة بتاعتها وتحس منها انها مخبية ارنب فى الطرحة

-اى واحد لابس دبلة وهو مش خاطب

-اى واحد قافل زرار القميص الاولانى

-اى واحد لسه فاكر ان كلمة احا عيب

-اى واحد او واحدة بيطلعو ف وسط المحاضرة ويسألو اسئلة فكسانة زيهم ..

-اى دكتور يقولك " على ايامنا " يقصد طبعا ايام الابيض والاسود والبناطيل الشارلستون

-اى واحد بيسمع هارد روك وهو فاكره ميتال

-اى واحد بيلعب فيفا

-اى واحد مبيحبش انغام

-قسم البيوكيمسترى كله

-اى واحدة مش كاتبه اسمها الحقيقى على الفيس بوك وكاتبة بداله .. " الزهرة الجريحة " " الفراشة ام جناح مقطوع " الخ

-اى حد بيقول على فيلم بلاك سوان وحش.

-اى حد زميلى ف دفعتى وينادينى يقولى يا دكتور.

-كل البوابين
-اى واحد فلول